中央官員同建制派中人都多次講過人大常委會「八三一」決定無得改，無彎a轉之下，泛民主派「飯盒會」召集人梁家傑（袋巾傑）就話，聖經提到上帝用七日創造世界，依家距離政改方案表決約剩餘一星期，夠晒時間畀人大收回「八三一」決定喎。不過，佢話就算夠時間都唔信有得改，所以泛民點都會否決方案。其實泛民都決定否決政改方案，仲講咁多做咩呢？袋巾傑仲出動到上帝咁嚴重，莫非想上帝打救佢？
