政情：史泰祖囡囡 愛每天上班
醫學會會長史泰祖醫生，悉心栽培患有唐氏綜合症嘅女兒史雋丹，囡囡已自食其力，月前加入東華三院位於金鐘添馬公園嘅社企iBakery餐廳任職侍應，由低做起。丹丹形容返工令佢好享受，渴望每天都是上班日，唔恨放假喎。
任職社企 享受待客
四月中開始返工嘅丹丹，依家喺餐廳負責傳菜、收拾碗碟，每天忙不停。佢笑言自己係新丁，有時要幫手洗廁所，未有因為名人子女身份而獲得特權。近日餐廳推出一款京都抹茶蛋糕，丹丹顯得很好奇，主動細閱蛋糕成分及製作方法，見到喜歡食蛋糕嘅客人，不厭其煩介紹一番。
丹丹話，佢都鍾意食蛋糕，亦享受招待客人：「我知道返工要勤力、加油、努力。」工作令丹丹好有滿足感，佢計劃將每月萬元收入儲起來慢慢使，偶爾請朋友及家人食飯，但笑言暫時未有能力畀家用。講番新出嘅抹茶蛋糕，係同京都凱悅酒店嘅首席餅師安田俊二合作研發，保留京都風味，希望帶畀港人新口味。