政情：公民講場：支持化淡廠 泛民也為「獨」

立法會泛民主派近期加快咗審批政府工程撥款申請，似乎唔敢再「拉布」同市民作對，點知尋日又再死灰復燃，仲疑似鼓吹港獨添！話說尋日工務小組委員會審批港珠澳大橋追加撥款時，多位泛民議員彈三彈四，話效益不如預期，又話造價太貴，建議政府縮減規模，降低造價，最後公民黨郭家麒仲提出中止待續議案添，索性傾都唔傾。反而討論到將軍澳海水化淡廠前期勘探撥款時，班泛民議員就好支持，又話香港唔應該依賴東江水喎。原來班泛民審批工程時，主要睇工程有無令香港同內地成功切割，話佢哋唔係想借工程撥款鼓吹港獨都冇人信啦！