政情：馬逢國投訴功能界別亂分界

佢話「香港印刷業商會」過去咁多次選舉都被撥入成為保險界選民，明明保險界同印刷業係風馬牛不相及，好想加入成為出版界選民，但政府偏偏唔肯。

不滿政府回應冇理

政府就解釋，香港印刷業商會係認可保險承保人，之前曾經為其僱員承保勞工保險，所以被歸入保險界。雖然佢哋好想加入出版界，但係保險界係特別功能界別，人數相對比較少，如果香港印刷業商會符合兩個界別嘅要求，就會被優先納入保險界。

馬逢國話，商會除咗做保險，都做好多出版業務，「你唔好話佢印過本書講娛樂就係娛樂界」，直斥政府回應唔合理。

佢又話，功能界別成日被人話無合理性同代表性，今次政府為對手整咗好多子彈，做法係不能接受，更加令功能界別無足夠嘅說服力，大嘆對功能界別造成好大損害。