政情：林貝聿嘉Punk頭 阿Ann潮拜
香港各界婦女聯合協進會（婦協）創會主席林貝聿嘉前年換咗副黑膠框眼鏡，趕上潮風被指成個睇落後生咗，立法會議員蔣麗芸（Ann）再爆料，十年前開始流行Punk頭，當時未必人人都接受到，估唔到林太第一個去剪咗個Punk頭，更加用髮膠Gel埋，當時開始佢就當正林太為偶像！
「橋底皇后」續展新設計
對於林太於三年前建議將婦協總部搬去灣仔鵝頸橋下，阿Ann於網上節目封林太做「橋底皇后」，林太則透露將會為灣仔體育總會，於銅鑼灣摩頓台橋底設立一個新總部，佢覺得只要有好設計，橋底空間可以獲得充分利用，早排仲建議政府高層畀多啲橋底佢設計添。
林太其後話題一轉向阿Ann大派高帽，話阿Ann第日唔做立法會一定要返婦協幫手，直言阿Ann已經升上一個更重要位置，就係做監察顧問，氹到阿Ann不知幾開心。