政情：沈慧林辦公室變身錶廠
近年唔少企業都將廠房移師到越南、柬埔寨等地以降低生產成本，但「港版陀飛輪」品牌萬希泉創辦人沈慧林（William）就反其道而行將工業回流，擴充其位於柴灣嘅原有辦公室，將所有設計、組裝、等工序帶返香港進行，盡量做到完全「香港製造」。
設吸塵房 方便裝配零件
其實過往William都有一班員工於香港辦公室專責設計、品質鑑定及部分組裝工作，但礙於空間及配套，員工只係於設有吸塵設施嘅工作枱面上裝嵌零件，嚟緊新廠房下月開始啟用後就方便得多喇，由於設有吸塵房等專業設備，員工入內之後便可直接進行裝配。