政情：今日你鏡：長腿阿禎好怕曬

尋日天氣忽晴忽雨，適逢青年新政下午發起遊行前陽光普照，身為青年新政社區主任嘅靚女游蕙禎（阿禎）一身裝束都青春逼人，佢身穿青年新政T恤，加上熱褲露長腿派宣傳單張，吸引唔少途人注視，不過原來阿禎百密一疏，一度摸住自己塊面大叫「死啦」，自爆事前唔記得搽防曬，但過咗一陣後，阿禎笑容滿面話已經搽番防曬，睇嚟同陽光玩遊戲嘅同時，保住白皙皮膚係一眾靚女嘅首要任務。