中環出更：卿姐疑暗寸泛民假團結
政改民意爭奪戰停不了，泛民多個政黨聯同學民思潮等十多個團體組成「全民拒絕假普選運動」，宣布下月七日發起「真‧落區」行動，派六隊人走勻港九、新界宣傳拒絕假普選。雖然在場代表口徑一致指，今次行動證明泛民團結一致反對「袋住先」，民主黨主席劉慧卿發言時語帶雙關，表明某啲團體唔好再喺網上攻擊民主黨，話咁嘅行為係不能接受，疑暗寸泛民係假團結。
批有人網上攻擊民主黨
卿姐發言時提到有人喺網上攻擊民主黨一事，指出依家咁多團體團結一致，堅決唔接受「袋住先」，但有人仍然喺網上指摘民主黨嘅不是，批評呢啲行為係唔可以接受，認為做事要有包容心態，最後仲點出民陣召集人陳倩瑩嘅英文名Daisy，疑暗示有關人士要就此作出跟進，不過被點名嘅陳倩瑩冇正面回應卿姐嘅言論。
另一方面，「全民拒絕假普選運動」宣布政改表決前，會搞一個「滾動式」集會，舉例如政改方案喺六月十七日交畀立法會表決，佢哋就會喺同月十四日開始連續五日舉行滾動式集會，即每朝到立法會示威區集會，晚上離開後翌日再集會。
卓妮