「貪曾」前特首曾蔭權爵士管治嘅前朝政府拍板興建廣深港高鐵香港段，最近屢傳工程造價超支，另一燙手山芋係高鐵「一地兩檢」問題懸而未決。立法會交通事務委員會主席田北辰形容，高鐵工程不單係「洗濕咗個頭」，更係「全身濕晒」，如果依家叫停，日後或面對承建商巨額索償。正所謂「冤有頭債有主」，貪曾當年急住話要起高鐵，搞到現屆政府孭鑊有排拆彈，再咁搞落去何止佢「全身濕晒」，更多人會被拉落水，真係唔知幾時先至圓滿解決，貪曾真係佗衰家！
