龔引《菜根譚》八字回應

「寵辱不驚 去留無意」

龔仁心昨午在華懋總部地下兩手揈揈、神色輕鬆地會見記者，面對閃光燈亦笑稱「記得send番啲靚相嚟」，心情似未受影響。他透露，未來要與律政司商討如何成立監管機構去監察基金運作，有關方案及主導權未有定案，亦未有時間表，要待律師研究判詞。對於龔如心希望由中國總理、聯合國秘書長等監管基金，他說：「咁要睇北京態度，唔好問我。」但透露早已着手處理，非待判決後才開始找人。

被問到會否擔心基金成為受託人後話事權被削，以及被律政司牽制，他直言：「唔知律政司點睇呢個問題，不過我唔相信律政司嘅目的係為咗侵佔某一個慈善基金作慈善用途，亦唔信政府會有咁嘅出發點。」記者追問他上訴失敗心情，他說心情與前日、昨日及明日均無異，「如果要搵形容詞形容，就係八個字『寵辱不驚，去留無意』」。

強調基金無債務問題

提到基金欠債問題，他說：「我唔想澄清，由法庭澄清啦！」強調基金「根本無事」。至於「死對頭」陳振聰就其偽造遺囑案的上訴將於九月聆訊，龔仁心聞言即說，「佢嘅事唔關我事，你問番陳振聰！」

龔仁心的「八字真言」出自明朝文人洪應明《菜根譚》中的《閒適》章節，原文是：「寵辱不驚，閒看庭前花開花落；去留無意，漫隨天外雲卷雲舒」。意思指，為人做事能視寵辱如花開花落般平常，才能不驚；視職位去留如雲卷雲舒般變幻，才能無意。《菜根譚》是一部論述修養、人生、處世、出世的語錄世集。