逛荔灣街市「似入錯貨倉」
街市管理亂七八糟，食物環境衞生署再被揭管理嚴重失職！位於美孚的荔灣街市內多條通道被發現長期堆放大量雜物，儼如貨倉，原只供暫時停泊的上落貨區則淪為免費停車場，問題持續多年，食環署卻一直置若罔聞。區議員狠斥該署管理不善，要求部門正視問題並加強管理，勿令設施被長期濫用。
「明明係街市卸貨區，點解成日都有私家車喺度由朝泊到晚？」居於美孚的曾小姐經常前往荔灣街市購物，發現上、落貨區常有私家車停泊，儼如免費泊位。
至於毗鄰上、落貨區的行人通道亦被佔用擺放大量雜物，與雜物房無異，「手推車、紙皮盒、發泡膠盒擺到周圍都係，嗰日我仲以為行錯咗入貨倉！」
記者曾於不同時段到場了解，每次皆發現街市上、落貨區有私家車停泊，但未有司機留守或搬運貨物。另外，街市內的行人通道以至街市出、入口旁均有大批雜物堆放，公廁對出行人通道的雜物更被「堆到足足有一個成年人咁高」，無論街市內外皆變得雜亂無章。
飭令貨主移走障礙物
食環署發言人表示，接獲轉介後即時派員巡查，發現街市出入口有雜物，遂張貼「移走障礙物通知書」，飭令物主在指定時間內移走有關物品。職員覆查時，發現有關物品已被移走。與此同時，該署職員亦發現有檔戶在上、落貨區及通道擺放貨物，造成阻塞，已檢控有關檔戶。
至於上、落貨區變私家車停車場的問題，發言人表示，荔灣街市共有四十二個檔位，並設有三個車位供車輛短暫停泊上落貨物。職員已警告於上、落貨區停泊車輛的司機，上落貨物後必須盡快離開，司機亦已遵辦。過去三個月，該署共接獲七宗相關投訴，並會繼續留意該街市情況及採取行動。
議員指違規存在已久
曾接獲相關投訴的當區區議員沈少雄直指上述違規情況存在已久，部分商販落貨後未有將雜物完全清走，佔用公眾通道作儲物用途，造成阻塞，認為食環署必須正視問題並加強執法，「嗰度附近嘅街市通道真係塞得好犀利，食環署要強硬啲去執法，規定檔販用番指定嘅檔口範圍，唔好再塞住晒啲通道！」沈少雄亦不滿食環署對上、落貨區違泊問題視若無睹，「唔係上、落貨嘅車就唔應該泊喺嗰度，依家好明顯係有私家車霸住啲位，食環署應該派人多啲巡吓。」
記者：徐少琴