「成人不自在，自在不成人！」要成功就不可貪圖安逸，得努力不懈，刻苦耐勞。講吓好喇，今日邊有呢支歌你唱，喺香港要成功就炒樓，喺英國要成功寬衣解帶就搞掂。唔信？望吓今期最索兼最懶嘅Lauren Wood先啦！
運氣要嚟你擋都擋唔住！眼前嘅裸模Lauren Wood，自認懶到出汁，只要有得食有得瞓就覺得開心，佢嘅存在價值係Hea爆，返工返學咪預佢，就連照顧自己都未搞得掂，咁嘅女係咪聽到都怕怕呢？之不過佢愈懶，人氣地位就愈高，報稱20歲入行，至今五年，無奈稱得上連續工作日子不足兩年，正因為鍾意就開工，心情唔靚就去旅行，Lauren妹唔覺得有問題要向人交代，反認為干涉佢生活嘅人先有問題。咁嘅性格同工作態度，理應被公司踢走，但亦因為一個索字，無人夠膽封殺佢，即使不滿都係谷喺心內。咁所以「成人不自在，自在不成人！」套喺Lauren妹身上完全係錯嘅！
過去五年職業生涯，Lauren妹都逍遙自在，同樣喺男士雜誌出身，坊間嘅Zoo、Nuts、FHM或Sunday Sport封面都登過晒，但有別於一眾姊妹，據傳媒話佢係要三催四請先叫得郁，即使被多本雜誌封為年終「十大最完美咪咪」、「百大完美靚偈」，本可以食住人氣再上一層，可惜虛名對佢都係冇用，阿妹繼續我行我素，懶爆到底。當事人曾喺個人網站表示，人生目標係開心度過每一日，而每日食薄餅、薯片同飲汽水就係人生一大樂事，做運動？No Way！
生性懶散、不務正業，不求上進，就咁坐吓坐吓等運到都成功，你係咪好唔服氣呢？更令人唔服係Lauren生得咁正，論樣論架生都無得輸，天然32E-26-32架生油浸都唔肥，阿妹更強調從不做運動兼堅持食「垃圾食物」度日，昔日嘅Lauren同今日比較都依然咁索，且更多添一分女人味。阿妹喺雜誌專訪時講過，加入模界係因為彈性上班時間，加上毋須付出太多努力就能有意想不到嘅成績，綜觀各行各業都比不上Model。再者覺得佢比人優勝嘅係樣貌及身材，所以經理人游說佢做裸模時，阿妹毫不考慮答應。初出道，Lauren憑住迷死人嘅電眼加無敵靚偈，由英國紅到過美國，連澳洲男士雜誌都請佢過去拍寫真，對比同期姊妹，阿妹贏足九條街呀！
雖然Lauren承認懶到冇朋友，亦唔會為人改變，但亦深明遊戲規則，自開設個人網站後，公司會定時為佢更新個人寫真，而近年亦流行玩視頻，佢話都要坐定定同粉絲Say Hi，假如要出埠工作，都話絕不會甩底，但要佢積極向上，就話無可能，事關違背自己性格，就算賺到錢都唔開心喎！
簡介：出名懶爆嘅Lauren，過去大部分都係一次性演出，例如Only Tease及This Is Glamour成人網等，所以要集中睇佢有幾正，阿妹專屬網站一定走唔甩，有齊比堅尼、內衣絲襪及視頻自摸短片，可惜畀錢先有得爽，值唔值，自己諗喇！
網址：lauren-wood.com
出生日期：1990年1月2日
三圍：32E-26-32
身高：5呎3吋
撰文：祖