登巴士罵車長被載走 的哥求饒
【本報訊】踩上巴士怒斥車長反被載走，的士哥「淆底」求饒。網上流傳一段的士司機與九巴車長疑因爭路引發爭執的短片，長約兩分鐘，片中有一輛的士及九巴先後停泊路邊，的士司機怒氣沖沖登上巴士，並「手指指」對巴士車長破口大罵︰「咩事呀依家？你睇唔睇到，我打晒燈佢（巴士車長）仲畀油，有無搞×錯呀？」
車長「你未入錢呀」
面對的士司機不停狂罵，巴士車長未有出聲，反而關上車門開車走，的士司機見狀向車長表示︰「咪開車呀！差館喺度！你係咪博炒？你依家未閂門就開車，喂！你係咪玩嘢呀？」沉默多時的車長終於開腔還擊︰「入錢啦！你未入錢呀！」的士司機感到無奈，一度作勢用八達通付款。眼見巴士愈走愈遠，他突然一改口風，認低威表示︰「當我唔啱啦，OK？開門好喎，真係要走啦老細！」
有網民指出，事發地點應在大圍顯徑邨附近，由於片中的街道情況與現時有出入，故有關短片應屬舊片，事發日期已非近日，九巴發言人表示正了解事件的詳情。