食肆人手荒 焗提早收工
最低工資於本月一日提高至時薪三十二元五角，自實施以來，低技術勞動市場「搶人潮」進一步惡化，飲食業更成重災區，近期不少食肆因人手不足，以縮短營業時間、周末休息等消極招數應付。有受影響食肆老闆表示，因人手不夠，星期日及公眾假期等旺場日子均要休息，老闆日做十多小時「頂唔順」，打算將餐廳轉手；亦有點心店開業半年，至今未能在晚市請到足夠人手，惟有放棄晚市黃金時段，每日下午五時便「收爐」。
飲食業人手短缺，令不少食肆老闆相當困擾。位於灣仔的餐廳「老巴剎廚房」，聘有十多名員工，但當中只有兩個廚房工為長工，其餘員工均是兼職，餐廳老闆鍾師傅無奈嘆謂，「其實仲有兩個長工嘅，咪就係我同太太囉！」
餐廳欠缺長工，令經營難以維持穩定，家庭主婦是兼職員工主力，鍾指出：「佢哋好多都講究假期，人工反而係其次，一到假期就話要湊仔，又要陪屋企人。」不少兼職每到假日均要求放假，即使原定要上班，亦會臨時「甩底」，更有人突然辭職，「試過做一日，甚至半日就話走。」
周日紅假休息 日失數萬元
自今年開始，星期日及公眾假期這些極為旺場的日子，其餐廳都會關門休息，每日損失數萬元。鍾師傅坦言「肉痛都無辦法」，因為人手不足會直接影響質素，寧願休息「賺少啲」。今年農曆新年假期，餐廳便連續休息八天，「唔係我想放咁長，原本講咗初五開爐，點知去到嗰日，好多人甩底唔返工，餐廳得番幾個人手，根本開唔到。」
餐廳以時薪四十五元聘請兼職樓面，而長工初入職的月薪達一萬二千元，但仍未能聘請足夠人手。鍾師傅跟太太每日工作十四小時，自己在廚房不停炒菜，太太則負責收銀及樓面。長期站立令兩人雙腿出現靜脈曲張，又要擔心餐廳出品質素，身心受壓，令鍾師傅計劃結束餐廳，正準備將餐廳轉讓，「我都好心痛，餐廳開咗四年，係自己心血，我哋唔係無生意，生意好好，但真係無人手做。」
「吓！有無搞錯o架，咁早閂？」西環一間僅開業半年的周記點心店近月備受追捧，食客特意來到幫襯，卻未料到點心店會在下午五點收工，不少「摸門釘」的客人均投訴。
職員拒「開夜」 點心店棄晚市
「唔好意思，人手真係唔夠！」該店老闆劉先生直言，開業前計劃營業時間為上午八時至晚上八時，但由於不少應徵人士均是家庭主婦，拒絕「開夜」，在未有足夠人手下，最終要將營業時間改為上午六時至下午五時，放棄晚市之餘，每逢周一亦要全店休息。
劉表示，隨着最低工資拾級而上，招聘員工愈見困難。除了在店舖貼出招聘廣告，劉又於勞工處網頁招聘，但始終乏人問津。該店舖位月租六萬元，點心店棄做晚市令收入減少，劉與拍檔對此亦十分無奈。
負責人全家出動 撐起餐廳
神廚館負責人黃小姐表示，自最低工資實施後，感覺應徵者較散漫，「好似唔係好志在份工，有啲嚟見工，一開始就同我講，佢係唔識字，唔識落單！咁你話請唔請？」該餐廳現仍欠兩至三名人手，黃小姐一家人只好「一腳踢」撐住餐廳，黃身兼多職，樓面、收銀及廚房水吧等。雖人手短缺，但黃對員工有要求，不會為求人手「請住先」，「有啲人無乜責任心，做嘢混亂，唔請好過請，影響舖頭聲譽仲麻煩！」
攝：關萬亨
文：陳詠賢