盛傳兩地政府至今仍未解決到高鐵一地兩檢嘅法律問題，有傳更需要出動到人大釋法，或者由內地立法再經《基本法》附件三引入香港實施，否則可能要做番兩地兩檢。運輸及房屋局局長張炳良尋日被問到有關問題時，繼續耍官腔話唔評論有關傳言，只重申當局嘅目標係高鐵通車後實施一地兩檢，現正考慮緊具體嘅不同做法。高鐵工程本身已嚴重滯後，依家連過關安排都未諗掂，唔怪得之有人預言高鐵肯定無法喺二○一七年如期通車喇！
