「唔止鹽，味精、魚露、豉油亦有好多鈉質，香港人太鍾意自己再加豉油。」黃凱詩指港人經常外出用膳，亦喜歡「撈汁」食飯，惟外面餐廳廚師烹調時經常「重手咗」，加上不少市民喜歡自行再添加醬料調味，令港人一般鈉質攝取量長期偏高。
一餐食爆一日攝取量
「係計你每日嘅總攝取量，如果一餐就食到爆標，之後就算飲清水都無用。」家庭醫生關嘉美表示，油鹽糖攝取量是否超標需計算每日總攝取量，長期攝取過多的鹽分，會加劇心臟負荷，導致血壓高及心血管疾病，而攝取過多糖分則會導致肥胖，更有可能患上糖尿病。
此外，關嘉美指出攝取過多的油或脂肪同樣有害，會令身體膽固醇過高及增加中風及心血管疾病的機會。