政情：「小巴讓座」 疑團釋除
早就網民發現有小巴張貼運輸署嘅讓座宣傳告示，呼籲讓座畀有需要人士，網民質疑告示「多餘」，因為小巴係不設企位嘅。
研引自動趟門 方便長者
日前我哋遇到「新小巴大王」馬僑生（Robert），對於網民嘅小巴讓座疑惑，佢就笑笑口解釋，其實讓座係一種文化同意識，例如喺小巴上可以解作讓長者坐近啲方便上落車嘅位置，讓長者上落安全啲之餘又節省唔少時間，更令大家日後都有潛意識記得要讓座。
Robert話，自從小巴實施兩元乘車優惠計劃之後，的確多咗好多長者乘客，佢哋研究緊引入自動趟門嘅新小巴，方便長者上落車。不過，自動門一開一關可能會花多啲時間，目前率先引入兩部做試驗，有成效再增購逾百部。佢又話，長者多啲外出，唔使成日匿喺屋企或留邨內買餸，多咗機會同老友記聚會，人都健康啲。