政府以「二○一七、一定要得」作為今次政改嘅宣傳口號，不過，新民黨立法會議員田北辰（田二少）尋日就預告「二○一七、一定唔得」！點解田二少突然對政改通過咁悲觀呢？原來佢講緊係高鐵，唔係政改。做過九鐵主席嘅田二少透露，兩地政府就高鐵一地兩檢一直傾唔掂數，令相關工程合約遲遲未能招標，咁搞法高鐵香港段肯定唔可以如期喺二○一七年通車。田二少仲話，如果高鐵最後要用番兩地兩檢，隨時仲衰過現有嘅深港直通車，等同將數百億元公帑丟落海！
