銅鑼灣：東角道違泊 警執法不力
王先生於銅鑼灣上班，每次行經東角道均發現有大量車輛違例停泊，不滿警方未有嚴厲執法，「好多時都有貨車泊喺度，搞到條路窄咗，有時見到啲車都好難轉彎！我覺得警方有責任去解決嗰問題！」
一月至今僅44張告票
警方發言人指出，今年一月至今共接獲三宗相關投訴，執法期間發出四十四張定額罰款告票。發言人續稱，警方一直關注上址的交通及違泊情況，亦會繼續留意並適時派員執法，以確保道路暢通及交通安全。
「如果警方係認真重視呢度個違泊問題，日日都嚟巡吓，一日都抄到廿張牛肉乾啦，點會幾個月先得嗰四十四張！」王先生指情況至今仍未見改善，斥責警方執法不力，得悉問題卻未有致力解決。