政府問責團隊上周接連落區宣傳政改，當中唔少人都有奇遇，其中行政會議成員陳智思喺酒樓宣傳時，就畀女茶客「挑機」，質疑提名委員會嘅認受性，仲話「如果你太太係中央幫你娶，你點諗？」金融界議員吳亮星（星爺）前日竟然幫政府「倒米」，話「媽媽同你揀埋老婆又點樣？過去幾千年都係咁啦！」油尖旺區議員莊永燦尋日就幫理唔幫親，話選特首係七百萬人嘅事，娶老婆就係個人嘅事，仲話呢個比喻一啲都唔合理添！唔知星爺會唔會唔忿氣，再諗過金句反駁呢？
