早排警方處理記者遇襲案認人手續時，因為畀被捕疑犯及扮演疑犯嘅演員戴上浴帽及口罩，結果被批評令認人程序更加困難。工聯會立法會議員黃國健（KK）話，其實就算疑犯冇戴浴帽口罩，都未必一定認到。事關佢曾經喺西非被打劫，後來當地警方叫佢去認人，但係喺KK眼中，四個黑人好似四胞胎咁，都唔知點分。
KK年輕時曾經行船二十年，佢話有次喺西非象牙海岸同朋友閒逛期間，被幾個黑人打劫，連鞋都畀人搶走埋。KK笑稱，搶匪唔識貨，竟然冇搶佢朋友着嘅名牌皮鞋，反而搶走佢喺廟街買嘅保齡球鞋。後來警方通知KK去認人，但係四個黑人好似四胞胎咁，一啲分別都冇，都唔知點分好，最後惟有放生個犯，連財物都拎唔返。