政情：公民講場：「聰」出港告洋狀 懶理學聯

有幾十年歷史嘅學聯又失去一個成員，城大學生會啱啱通過公投退出學聯，加上早前已退聯嘅三間大學，學聯會員人數已流失三成二。正當學聯處於存亡之秋，秘書長羅冠聰似乎唔知大難臨頭，仍然走去加拿大國會出席聽證會，唱衰香港政制發展。羅冠聰上任時已頻頻失言，又被人恥笑佢認受性低，估唔到羅冠聰只掛住去告洋狀，都唔理學聯生死，難怪網民都恥笑佢係「流亡海外」學運領袖。睇嚟羅冠聰係時候要痛定思痛，諗吓學聯改革前路至得。