中環出更：肥佬黎李漢奸又密會疑攪局

立法會今年六、七月表決政改方案，有民陣代表號召十萬人於表決前包圍立會，事有湊巧，「搞事四人幫」兩名成員，即壹傳媒集團前主席黎智英（肥佬黎）同外號「李漢奸」嘅民主黨創黨主席李柱銘，尋日密會兩次合共長達七小時，莫非心郁郁又想「攪局」？

尋日中午約十二時，李漢奸開車連同太太到肥佬黎位於何文田嘅寓所，問佢係咪同肥佬黎食飯或有其他事情，佢扁扁嘴無作回應。

直至下午三時，李太先行駕車離去，但就唔見李漢奸蹤影。直至晚上六時，肥佬黎終於出動，佢乘座駕沿西隧駛到李漢奸位於半山嘅寓所，喺肥佬黎抵埗不足十分鐘，李漢奸夫婦亦駕車返回家中。肥佬黎逗留約一小時後乘座駕返家，喺車上期間一直專注睇文件。

值得留意嘅係，兩人於李漢奸寓所密會期間，一直冇其他人出入，但保安人員在場驅趕其他車輛，認真耐人尋味，莫非佢哋心郁郁又想搞搞震，抑或知道大限將至，要及早為佔領行動被拘捕一事密斟如何甩身？

卓妮