佐敦：石油氣罐擺街 恐生意外
「前排間舖放咗廿幾罐石油氣出嚟，好耐都冇人拎走。最近聽過有氣體爆炸新聞，早幾日慈雲山先搞到好大件事，再之前又有幾次有消防員殉職，我就好驚呢邊遲早又出事。」洪先生指佐敦文昌街有店舖常將大量石油氣罐放於行人路，擔心或會引致意外。
促機電署加強宣傳教育
機電工程署發言人證實，過去一年曾接獲三宗相關投訴。發言人指，曾派員巡查上址一間瓶裝石油氣分銷商店舖，沒有發現石油氣儲存情況違反《氣體安全條例》要求，職員已向店舖負責人講解條例要求和相關的氣體安全知識，並將於稍後再作巡查。
洪先生指違規情況幾乎每日出現，要求機電署繼續跟進，切勿鬆懈，並加強宣傳和教育，防患於未然。「有時啲人食住煙行過又係好危險，我覺得舖頭同行人嘅安全意識都唔係好夠。」