模影模蹤:小池里奈理想做豆腐

每個人都有屬於自己嘅理想,小弟就曾經想過可以成為玩世不恭嘅二世祖,好可惜祖宗唔爭氣,最後都係做唔成。乜我呢個理想好奇怪咩?仲未夠小池里奈咁奇怪,佢話理想係成為豆腐喎!做豆腐?唔通阿妹咁豪放希望畀其他男人抽水食豆腐?非也,我覺得佢呢個理想相當正面,大家睇落就知喇。

肉感小動物

男人對於好多身外物都希望愈大愈好,例如想住間大屋,擁有大大間個人辦公室,當然亦希望女伴有大大嘅胸部啦!之不過,大未必佳,畀個大山婆你就真係唔易接受到喇。相反,小巧標致嘅小動物系女仔就嚟得更加吸引,點為之係小動物系?大家睇吓小池里奈就知啦!今年21歲嘅里奈妹生得清新可愛,充滿稚氣而精靈活潑,就好似細細隻嘅小動物咁惹人喜愛,故被日本寫真界將佢歸類為小動物系。不過,寫真界形容佢係肉感小動物,呢一點我就唔係好明白,因為肌膚雪白無瑕嘅里奈上圍係就係有肉地,但係腰幼腿亦幼,身材弗到漏晒油,從佢上上下下都發現唔到肥嘅肉感,形容阿妹充滿慾感,即係能夠引起男人慾火焚身嘅感覺,相信會更為貼切。

吸收新知識

小池里奈出生醫學世家,阿爸係婦產科醫生,而阿爺則係眼科醫生。自小里奈就得到悉心栽培,兩歲開始學鋼琴同小提琴。到就讀小學三年級,喺一次去新宿行街嘅時候,可愛活潑嘅里奈就畀藝能事務所社長睇中,將佢帶入藝能界,頭炮作品係真人特撮電視劇《美少女戰士》。成功踏足藝能界後,里奈仲同特撮片甚有緣分,曾經參演《幪面超人KIVA》,拍電影亦演過《超人力霸王銀河S》,將於6月上映嘅電影《白魔女學園2》都係屬於同類片種。里奈做演員發展順利,而拍寫真一樣受歡迎。然而,里奈對自己嘅要求卻係相當高,今年新年接受訪問嘅時候被問及新一年有咩理想,里奈就話想成為一舊豆腐。點解呢?里奈話豆腐可以將周邊嘅味道吸納再融和,希望努力吸收知識同經歷,將幕前表演做得更好喎。

個人博客

小池里奈不愧為小動物系女優,從佢嘅博客可以睇到阿妹養咗好多小動物,又貓仔又兔子,想知道里奈同小動物相處成點,不妨Click上佢個博客睇睇。

網址:http://ameblo.jp/koikerina/

小池里奈Profile

年齡:21歲

身高:5呎1吋

三圍:32-23-32

撰文:賢