環境保護署由五月一日起嚴格執行第二階段膠袋徵費，直接檢控違規商戶。環境局局長黃錦星（星星）話，自從今個月開始嚴厲執法，違規嘅個案減少，認為情況有進步。不過，早前有調查顯示，小販及臨時攤檔有較多違規派膠袋嘅情況，星星就話，當局已派出「神秘顧客」周圍巡查喎！記得上星期星星用自己孭住環保袋嘅背影相，提醒大家出街記得自備購物袋，唔知今次佢會唔會親身上陣扮神秘顧客呢？
