政情：EQ質疑高永文忽視乳癌
食物及衞生局局長高永文日前同反政改長者激辯，事後承認情緒失控。尋日輪到建制派立法會議員葛珮帆（E Q）疑向高永文挑機，但就同政改冇關，E Q嘅目標係向食衞局爭取資助女性檢查乳房，之不過一直未有進展。E Q最近進一步質疑身為男士嘅高永文，係咪唔多關心女性患者居多嘅乳癌。
屢促資助篩查不果
乳癌係香港女性頭號癌症殺手，近年新症數目有增無減，眼見好多國家過去多年紛紛資助女性檢查乳房，E Q透露曾經多次去信政府當局，要求資助本港女性進行檢查，希望增加患者治愈風險，可惜當局一直冇承諾提供資助。E Q又話，當局先後推出鼻咽癌同大腸癌篩查計劃，唔明點解乳癌冇類似篩查或資助計劃。