成日都有人話現代嘅後生仔唔夠主動進取，亦唔捱得苦，郁啲就話放棄。其實咁又好難怪，家陣嘅家庭環境一般較豐裕，受父母寵愛，當然係歎慣又懶慣啦。不過，我哋又唔可以一竹篙打一船人，後生仔女當中都有好多吃得苦嘅例子，佐佐木心音就係其中之一喇！
日本水着女優好多都守身如玉，即使喺寫真作品當中做盡各種淫猥挑逗嘅動作，玩埋濕身，但係都會堅守三點不露，而一旦露出，好快就陷入萬劫不復之地，難逃AV界嘅魔爪。之不過，世事總有例外，能夠喺露完三點之後唔使拍AV咁淒涼，所靠嘅除咗係個人質素，最重要就係有演技，近期小弟相當喜愛嘅佐佐木心音就被人讚揚演技上乘喇。今年24歲嘅心音五官標致，除咗一派青春少女感覺又同時散發一份妖艷魅力，充滿電力嘅眼神更令男人神魂顛倒。上天就係唔公平，心音生得靚女，仲擁有一副近乎完美嘅無敵靚偈。身高5呎6吋夠晒高挑，其腰亦甚纖幼，胸前仲有一對F-Cup美巨乳，可謂辣度十足，而日本寫真界就稱阿妹呢副偈為「藝能界的色情身體」。
佐佐木心音讀高中嘅時候就開始兼職做舞台劇演員，而從小受到母親嘅音樂薰陶嘅佢，仲同母親組成音樂組合「CO906.」，向樂壇進發。心音甜美又充滿活力嘅聲線，2011年就獲邀主唱長野縣嘅宣傳歌曲《林擒街道樹》，更被委任為林擒街道樹大使，負責宣傳長野縣。而心音亦不甘只以歌手身份發展，同年推出首隻寫真DVD大賣火辣胴體，仲成為亞馬遜寫真DVD嘅銷售榜冠軍添！心音漸漸愈拍愈大膽，後來更拍全裸寫真，而喺電影《人形少女》亦一樣全裸登場，同男主角仲有激情床戰添。雖然近年心音發展如意，憑上乘演技喺第56屆日本電影記者獎得到最佳新人獎，但佢實在捱過唔少苦頭。做舞台演員初期，心音為咗交學費要同時打幾份工，日頭做完餐廳侍應，夜間又落酒吧開工，放假仲要做伴遊；踏足寫真界之後，為咗慳錢，衫、褲、鞋都要DIY，經常買幾十日圓嘅布碎幫衣服加添圖案，咁可以慳番買衫嘅錢喇。
佐佐木心音拍寫真雖然放蕩，但係於其博客當中可以見到佢一得閒就弄貓為樂，十足十深閨少女。
網址：http://ameblo.jp/kokone-sasaki
年齡：24歲
身高：5呎6吋
三圍：34F-23-34
撰文：賢