馬鞍山：學校區違泊嚴重惹不滿

馬鞍山恒光街共有三間院校，平日早上會有大量學生步行或乘搭校巴上學，惟家長蔡女士卻指上址違泊嚴重，不僅阻塞道路交通，更發現有車輛違泊於行人路。「我就未見過有警察抄牌，朝朝都成條街泊晒車，啲車仲要泊埋喺行人路，搞到啲學生同家長被迫行出馬路！」

警方發言人指出，過去十二個月內，分區共接獲五十五宗有關上址的違泊投訴，並向違例車輛發出五百張定額罰款告票。發言人表示，馬鞍山分區一直留意上址交通情況，巡邏人員如發現有車輛違例停泊，將按情況採取適當的執法行動。

蔡女士直指情況從來未見改善，認為警方執法不力，「既然派牛肉乾無阻嚇作用，係咪應該加重罰則，又話者密啲喺朝早巡邏兼趕車！好心啲人就畀番條路啲學生行啦！」