立法會尋日繼續辯論財政預算案，議員劉慧卿批評律政司處理「貪曾」前特首曾蔭權爵士及「貪湯」前廉政專員湯顯明貪腐案件時，冇向負責調查嘅廉署提供合適嘅法律意見，「搞咗咁耐都唔知搞成點」。卿姐話，有人以為係廉署調查出問題，但其實廉署都要「坐埋一齊」問律政司法律意見，質疑律政司係咪受影響，以致仍未提出檢控，要求削減律政司司長袁國強一半年薪，共削一百八十五萬元。
