探射燈：親自餵哺促進親子關係
「懶媽」以餵奶神器餵食，除了對嬰兒造成危險外，更有機會影響其心理發展。有專家建議，母親應盡量餵哺母乳予初生嬰兒，即使用奶樽，亦要親自餵食，促進親子關係。
「用神器衰過畀外傭餵」
「本來餵母乳係最好，因為初生BB係口腔期，吸吮可以滿足到佢，對心理發展比較好，用奶嘴已經差咗啲，仲要用神器，衰過畀外傭餵。」本身亦育有女兒的何柏鈴指，餵奶是促進親子關係的重要一環，同時亦有助嬰兒的心理發展，作為人母應把握親自餵奶的機會，「餵奶嘅時候要同BB傾偈，要讚吓佢，亦要對佢微笑。其實初生BB成日瞓，醒嘅時間得幾個鐘，媽媽應該好好把握呢個機會同佢相處。」
臨床心理學家葉妙妍指，每個人都需要與他人建立依附關係，而母親或照顧者便是初生嬰兒的依附對象，親自餵奶能有助嬰兒建立具安全感的依附關係，「每當BB驚、遇險或者有咩開心事都會同依附關係者分享。如果長期都唔同BB互動，有機會影響佢情感同社交發展。」