港股升市浪接浪，近期持續呈牛勢，就算有回吐都係大漲小回格局，愈來愈似全民皆股。財政司司長曾俊華呢頭叫完市民小心「丁蟹效應」，財經事務及庫務局局長陳家強尋日又話今次升市有機會只係追落後，預料港股每日成交額高達二千億元係新常態喎。如果投資者只係聽呢幾句，分分鐘以為係入市訊號，咁就大件事。因為陳家強隨即又話，現時港股每日交投量高，股價亦好自然大幅波動，叫投資者要考慮自身承受風險喎。與其發放錯誤訊息，其實官員係咪叫市民小心投資就已足夠呢？
