【本報訊】九十後母親藉「棄B」引花心父現身，分分鐘玩出禍惹官非！執業大律師陸偉雄指出，父母或監護人均有責任看管十六歲以下兒童，事件中母親將嬰兒交予店員，並離遠監視冀引嬰兒父親現身，但期間若母親離開一走了之，便有機會因拋棄或疏忽照顧，而被控《侵害人身罪行條例》第27條的「對所看管兒童或少年虐待或忽略」。
另外，現場消息指女嬰父親曾在電話中稱「唔要個BB」，由於他在法律上亦有責任看管嬰兒，故亦有機會被捕，但其定罪難度較大，「佢（父親）比較大機會兜到，例如可辯稱『誤會咗對方意思』、『以為對方講笑』等，都有機會脫罪」。
陸又指，如有人拋棄不足兩歲的兒童以致其生命受危害，更有機會觸犯「遺棄兒童以致生命受危害」條例，兩條條例最高刑罰均為監禁十年，若循簡易程序定罪，則可判監三年。
法官會根據案情嚴重性判刑，「如拋棄BB喺條街無人理就更嚴重，因為較大機會令BB受傷，所以會判得重啲」！