政情：沈運龍中東賣鞋險斬首
做珠寶生意嘅香港品牌發展局副主席沈運龍（Aaron），前排與設計師合作製作嘅鑽石結他衝出香港，寫下健力士世界紀錄。不過佢威水嘅背後都有唔少辛酸史，話說最初佢並唔係賣珠寶，而係賣功夫鞋，仲差啲招來殺生之禍添！
復被拍檔吞舖蝕二千萬
Aaron話，當年佢讀完書有機會去中東闖蕩，幫一間廠做兩年會計，其後佢留喺沙特阿拉伯同當地人合作售賣功夫鞋，曾經風靡一時。點知有次被發現鞋底坑紋磨蝕後，會出現與阿拉真神相似嘅字樣，Aaron差啲被拉去斬頭。咁啱當時發生一宗劫機事件，佢嘅拍檔有份拯救乘客而被視為人民英雄，結果兩人先至化解到呢次危機。
以為大難不死，必有後福？後來Aaron嘅拍檔竟然獨吞佢哋合作嘅八間店舖，令Aaron損失近二千萬元，真係世事難料。