有啲女人不但令同性妒忌，就連男人見到亦忍唔住問上天點解會賜畀佢哋咁完美嘅外形，好似台灣人氣腿模黃葦萱就係好例子。擁有高挑身材嘅佢不但誘人，一對美腿更係令人心動，咁完美嘅索女叫人點可以唔妒忌呢？
老實說，如果唔係翻查資料，真係唔知道呢位英文名叫Sunny嘅美腿模特兒，竟然喺1984年4月13日出生，換言之今年已經31歲。皆因從外表嚟睇，佢唔單止樣貌保持得極好，一啲都冇發現歲月嘅痕迹之餘，身材仍然睇頭十足，尤其係一對修長美腿更令佢成為男士心目中嘅女神。事實上，佢美腿魅力早喺2004年已經為人所熟知，因為當年佢以黃韋萱之名，參加台北電玩展嘅選美會，並獲得纖腿美人獎嘅獎項。憑住呢對美腿，開始喺模特兒界揚名，先後喺多本男士、潮流、購物等雜誌上性感亮相，另外又以展銷模特兒身份，現身於電子產品、內衣、汽車音響等嘅產品發布會，甚至喺電視廣告中登場，曝光率急遽上升，連帶人氣即隨之而急升。
不過講到佢真正紅起嚟嘅，卻要數到喺2007年舉辦嘅城市小姐台灣區選美大賽。當年佢唔單止憑住出眾嘅外形，更藉住資深嘅演出經驗，配合埋出色嘅談吐，喺選美會中勇奪第4名。獲獎之後，喺同年8月嘅一次內衣天橋騷中，佢淡定嘅演出深受好評，尤其係佢嗰對33D車頭燈更係驚為天人。據佢透露，其實喺佢參加選美大賽前，本身已憑住出眾嘅三圍，喺電視購物節目中擔任內衣模特兒，只係好多時大家嘅焦點落喺佢對美腿，而忽略咗佢上圍。自從佢人氣爆燈後，佢嘅行蹤亦成為大家嘅焦點，只係同其他模特兒唔同，鏡頭後嘅佢相當低調，唔會高調爭取曝光率。不過呢啲都唔緊要，皆因憑住佢賞心悅目嘅外形，不論任何時候都可以成為男士嘅焦點。
黃葦萱嘅賣點真係有好多，事關佢從頭到腳都咁誘人，當然，如果問到究竟邊個地方最令人印象深刻，梗係要數佢賴以成名嘅一對修長美腿啦！呢個唔係單方面嘅睇法，好似呢個網站就網羅咗佢出道以嚟嘅美腿靚相，就知道大家幾咁愛佢對腳。
網址：bbs.voc.com.cn/viewthread.php?tid=4181898&highlight =Sunny
出生地：台北
身高：173cm
三圍：33D、25、36
撰文：魂