慈善基金：侏儒症阿敏 調遷求爐具
熱水爐與煮食爐幾成為現今家庭必需品，但對身體有缺陷的綜援受助人而言，即使是簡單電器亦無法添置。劉慧敏自小患有軟骨發育不全症（侏儒症），身高與常人有異，早前因單位滲水獲房署調遷，卻囿於經濟無法購置新熱水爐及煮食爐，令獨居生活帶來極大不便，盼透過東方日報慈善基金呼籲善長施援，協助購買基本家電。
「你都知房署好少會搭棚維修，嗰陣漏水漏到要咁大工程，可想而知係大件事。」三十五歲的阿敏自二○一一年起獨居於牛頭角上邨，早前單位牆身嚴重滲水，需搭棚進行大型維修，阿敏獲調遷至下邨單位，卻無力支付購買電器費用，「以前舊嗰個煮食爐已經用到生晒銹，熱水爐又係舊式嘅，平時都等成半個鐘先有少少熱水，仲要時凍時熱，夏天都仲好，冬天就成日凍病。」阿敏指舊居電器原為友人所贈，已用至殘舊不堪，即使拆裝亦要花上數千元，阿敏坦言無力負擔。
綜援維生 望靠自己過活
患有俗稱侏儒症的阿敏身高只有四呎，自初中起高度已與常人有別，但阿敏並無放棄人生，反而一直積極物色工作，期望能對社會作出貢獻，可惜最終仍受身高所困，「以前好彩試過有人請，做過兼職文員，但係啲文件擺得好高，好多時都拎唔到，咁之後就一直都冇人請……」現時阿敏只能以傷殘津貼和綜援維生，惟仍寄望能找到合適工作，靠雙手養活自己。
阿敏指自搬遷後因新居並無煮食爐，平日要從三餐中省錢亦具難度，「之前多數係自己煮飯食，烚下菜煮少少麵好易就一餐，依家冇咗個爐，惟有成日落去樓下啲大牌檔食，係就係冇自己煮咁平，但都冇辦法，因為去餐廳仲貴。」雖然阿敏希望早日能將舊居家具搬入新單位，卻受經濟所限未能如願，「都冇錢買新床同衣櫃，依家要自己逐啲拆裝慢慢搬。」阿敏希望能獲善長慷慨施援，協助購置基本家電，解決生活所需，家具則假以時日「慢慢搬」。
捐款編號：12675
記者：呂諾君