灣仔：駱克道違泊 警方執法太手軟
「呢度係鬧市，又唔係荒山野嶺，附近大把停車場，點解硬係要霸住條街嚟泊車，搞到兩條線冇咗一半？」李先生不時駕車途經駱克道，發現近灣仔消防局附近常有違泊車輛阻塞行車線，有礙車流暢通，「都有個牌講明唔使警告就可以檢控，都仲係咁多車泊喺度，係咪即係警方巡得唔夠多？」
「年餘僅64張告票」
警方發言人證實，去年至今共接獲八宗相關投訴，期間共向違例車輛發出六十四張定額罰款告票。發言人強調，警方一直關注灣仔區內交通違例事項，並會按情況採取執法行動。
不過，李先生直指涉事路段違例停泊問題依然，要求警方多加巡查，以收打擊之效，「每次經過都見起碼有成四、五架車違泊，一年有多先得嗰六十幾張告票真係太少，始終呢度係香港心臟地帶，警方不可手軟。」