政情：公民講場：寧政改摸和工黨輸家心態

泛民主派同政府依家都就政改落力打宣傳戰，工黨尋日就推出一段名為「摸和好過出銃」嘅短片，用打麻雀比喻政改。段影片講述三家都單吊紅中，如果餘下一家打出紅中，就有機會「一炮三響」成為大輸家，所以寧願「摸和」等新一局，比喻否決政改之後可以重啟政改再等「食胡」。不過，以麻雀比喻政改不倫不類，而實情係依家有胡叫，隨時食胡至真！正所謂有胡唔食，罪大惡極。工黨講到唔係出銃就係摸和，反映該黨以至泛民都係輸家心態，態度消極，自知通過政改變輸家，企圖否決政改以苟延殘喘。