粉嶺：遊樂場工地 缺圍欄易釀禍
「呢度好似整緊個上蓋，所以一路都圍封緊，但啲圍欄中間冇扣實，有幾個位又淨係用啲膠帶圍住，完全冇遮冇掩，搞到啲細路成日走晒入去玩，真係好危險！」張先生指出，粉嶺站遊樂場的休憩範圍近日正進行工程，但圍欄之間存有空隙，常有小朋友嘗試進入，擔心易生意外，「隔籬就係滑梯，日日都好多小朋友跑嚟跑去，如果跑咗入去一陣有嘢冧扑親、或者戟到嘢跌親就慘啦！」
建築署稱已促承建商加裝
建築署發言人表示，該處正進行蔭棚翻新工程，工程期間承建商有設置安全圍欄圍封施工範圍，亦於外圍通道加上警示膠帶。發言人續稱，接獲轉介後該署即時指示承建商於外圍通道以安全圍欄代替膠帶，並掛上工程標示，提醒場地使用者切勿接近施工範圍。