政情：公民講場：政改如上車 袋「住」先有着數

唔少市民都好關心置業問題，估唔到政制及內地事務局局長譚志源（Raymond）推銷政改方案時，都用買樓來做比喻，叫廣大市民「住」住先。Raymond尋日喺政改記者會上，被問到政改方案唔承諾一七年後仍可以修改或優化，點樣可以說服泛民主派通過呢？唔知佢係預先諗定答案還是靈機一觸，話政改就好似買樓咁，買咗都唔代表咁就算，之後仲可以買傢俬、換牆紙、甚至係樓換樓，就正如政改將來可以再優化一樣，接受咗唔代表袋一世。不過，將來優化政改會否好似單位裝修或換樓咁，要付出代價呢？