政情：梁卓偉 陳家亮助「拳」防癌
兩大醫學院院長平時官仔骨骨，因咩事拳王上身咁嘅款，唔通為咗爭學生而動粗？原來佢哋為幫衞生署做防癌宣傳，粉墨登場拍電視廣告。中大醫學院院長陳家亮仲自嘲，自己NG咗好多次，錄幾句嘢錄咗半晝。講番條宣傳片，一共有兩輯，尋晚開始喺電視、電台、社交網站及專題網頁有得睇。
拍廣告 慘變大配角
港大醫學院院長梁卓偉話，佢哋都係用放假時間去拍片，地點係舊邵氏片場，署方製作好認真，各自用咗半晝拍攝，係咁重複講幾句台詞，講到識背。衞生署尋日舉行記者會，首播兩輯廣告，有份拉攏兩大院長拍廣告嘅衞生防護中心監測及流行病學處主任程卓端話，雖然兩個院長拍得辛苦，但都要淪為大配角，因為主角竟然係衞生署創作嘅卡通「防癌隊長」。