照顧愛女 慈母幾崩潰
聽記者提起她以往的畫作，難掩興奮之情。要向記者展示她的作品，卻不容易，陳太先為她拿着手機，女傭則撐起她的眼皮，施惠再用尾指撥動手機。記者看在眼中，盡是心酸。
「聽到佢喊，就覺得壓力好大，佢一有事，我就有咗抑鬱症，對我好大打擊。」陳太的女兒施惠早在十五歲時已被診斷罹患小腦萎縮症，陳太頓時成為家庭支柱，四處為女兒奔走，情緒幾乎失控，「眼見佢情況愈來愈差，真係覺得心好痛，都戥佢淒涼。」陳太又指，日常會盡量滿足愛女要求，「佢以前好鍾意食嘢，依家只能食流質，但我哋間中都嘗試剪碎啲橙、牛排畀佢食，等佢可以享受吓食物。」