民建聯（民記）尋晚選出新領導層，一如所料，由原任副主席嘅李慧琼（Starry）當選主席，成為該黨成立以來首位女主席，陳克勤及周浩鼎就當選新副主席，盧文端則接替楊孫西出任監委會主席。
Starry被問到當選黨主席後，會否辭去行政會議成員一職，佢話喺參選主席前，已與特首梁振英溝通過，佢個人傾向會集中時間處理黨和議會工作，惟有關細節安排稍後會再與梁振英商討，唔會即晚就遞信辭職。若有消息會公布，接任人選亦會交由特首決定。
至於日後會否選特首，Starry稱2017年一定不會，但N屆之後太遙遠，唔能肯定喎！