東方報業集團尋日引述權威消息報道，指中央已拍板對香港普選方案「一字不改」、「寸步不讓」，一定唔會好似上次政改咁，到最後關頭軟化讓步。尋日身在北京嘅律政司司長袁國強就強調，依家情況已經非常清楚，人大已經做咗「八三一」政改框架決定，警告泛民主派立法會議員唔好有咩遐想中央可以改變有關決定。講起遐想，揚言要辭職搞變相公投嘅「AV仁」何俊仁真係要聽吓，千祈唔好有任何遐想呀！
