附近多球場
佢亦知道工地附近球場多，所以特別設立一條「執波熱線」，若果有「波友」唔小心掉咗個波入工地，佢哋會提供「執波」服務，以免市民因為誤闖工地而受傷，真係窩心！
陳茂波話，灣仔過去發生過嚴重水浸，為咗根治水患，渠務署決定喺該區以地下蓄洪嘅方式防洪，工程會影響賽馬會賽道、緩跑徑，以及場內嘅足球和欖球活動，但當局已經做好協調。
另外，地下蓄洪池計劃除咗貼心，仲非常創新，收集到嘅地下水、球場灌溉水同雨水，經處理後可以用嚟灌溉球場同沖廁，每年可慳二十二萬立方米食水，而成個計劃就預計喺二○一八年雨季前全部落成，可以加強灣仔及跑馬地一帶地區嘅防洪保護。