鬧市變垃圾崗 失禮遊客
「一箱二箱垃圾堆喺度，搞到條街成個垃圾崗咁，我仲以為係啲第三世界國家嘅市容先會咁肉酸，點知呢度都係無王管咁！」楊先生早前於尖沙咀梳士巴利道候車，發現該處堆積大量垃圾，懷疑附近店舖隨意丟棄，認為有礙衞生之餘，亦有損香港形象，「隔籬就係碼頭，好多遊客出入，畀佢哋見到就真係失禮。」
食署：警告店舖負責人
食環署發言人表示，過去一年並未接獲相關投訴或作出檢控，接獲轉介後亦有派員巡查，雖未有發現垃圾但仍有警告有關店舖負責人，如在公眾地方堆放垃圾則可被檢控。
楊先生直指已非首次目睹涉事地點堆放大量垃圾，希望附近店舖能夠自律，保持街道清潔，以免對他人造成滋擾，「我都明冇可能成日有個食環署職員望到實一實，惟有希望啲舖頭有啲公德心，妥善咁處理垃圾啦。」