模影模蹤:小瀨田麻由胸懷大痣最性感

師傅成日話人窮志不窮,只要胸懷大志,終有一日龍穿鳳,到時自然大把女仔埋身,唔愁冇拖拍喇。日本水着界超新星小瀨田麻由都同意,不過佢好似唔係話男人,而係話佢自己雙峰之間嘅一粒痣,係佢嘅性感魅力來源喎!

軟白巨奶

小弟近幾年於本欄為大家介紹過好多好多日本水着妹,朋友成日都問我:「喂!你寫咗咁多,仲有冇貨賣呀?」我就答:「日本水着妹何其多,寫得幾多個。」朋友復問:「出名嘅通常都畀你寫晒,你唔好搵埋啲質素低下又冇人識嘅水着妹敷衍讀者呀!」我一笑置之,因為日本水着界何年何月都求才若渴,佢哋比我更加怕冇優質新人登場啦!最近又有一位極度優質嘅水着妹漸漸冒起,呢位就係被譽為超新星嘅小瀨田麻由。麻由妹芳齡二十,五官標致,青春可人又天真,笑起上嚟夠甜冇邪氣兼具一股親切嘅傻大姐之氣。身材方面,身高5呎5吋嘅麻由妹胴體雪白,從皮膚發出嘅白色就可知道質感幼滑軟嫩,胸前一對純天然F奶仲要大而富彈性,真係好正呀!

努力上位

小瀨田麻由呢副無敵靚偈被譽為「奇蹟之美BODY」,而呢副靚偈以及美貌就幫助到佢喺水着界漸漸爭取人氣,2013年出道以來推出嘅兩隻寫真DVD《濺起》以及《Sparkle》,俱榮登網購網亞馬遜嘅寫真DVD銷售榜第一名,可見大家對佢都相當支持。呢份支持令麻由愈演愈有魅力,但係阿妹就話佢最大嘅魅力來源係雙峰之間嘅一粒痣,話呢粒痣成日提醒自己一出世就唔完美,全靠努力才可以發光發熱,最後能夠學似綾瀨遙、深田恭子咁成功叱咤於影視圈。近期麻由妹除咗專注拍寫真,以美色誘人,仲開始轉戰舞台劇,不過阿妹就表示雖然學過舞蹈,應付載歌載舞場面完全冇問題,但係要佢舞刀弄劍就未得喇,有次綵排嘅時候更差少少以手中嘅道具劍誤傷對手添。

小瀨田麻由Profile

年齡:20歲

身高:5呎5吋

三圍:34F-24-34

個人博客

雖然小瀨田麻由漸漸多人認識,但係工作仲未算忙碌,從佢嘅博客中得知,其生活都幾悠閒寫意。

網址:http://ameblo.jp/sheeeelby/

撰文:賢