剎那光輝 藝人不堪回首
亞視不獲續牌，標誌着擁有接近五十八年歷史的電視台要向香港觀眾「Say Goodbye」！一班現任、曾經効力過亞視的藝人都深表悲傷，第一屆亞洲小姐冠軍黎燕珊更以「悲慘結局」來形容事件，而在宣布亞視不獲續牌前一刻仍協助其中一名白武士聯絡亞視獨立經理人的徐小明，則形容自己得知消息的時候感到「晴天霹靂」！
近年飽受風吹雨打的亞視，幾經掙扎，終不獲續牌，對於「亞視」年代終結，不少藝人都不勝唏噓，八五年首屆亞洲小姐冠軍黎燕珊直言：「咁多年基業敗喺唔適合嘅人身上，係個悲慘結局。如果（亞視員工被）遣散，就祝福大家搵到更好嘅工！」她坦言：「所有喺亞視呢個少林寺出嚟嘅員工都唔想接受現實，好傷感！」
徐小明：講唔出咁難過
曾為亞視打過三次「勝仗」的徐小明憶起以往輝煌史時說：「第一次（打勝仗）係劇集《大地恩情》熱播令無綫腰斬《輪流轉》。第二次係邱德根入主亞視，當年製作嘅《武則天》、《秦始皇》幫亞視賺錢，仲同對手喺收視上有六四之爭。之後吳征入主亞視，我買入《還珠格格》等劇集，帶來另一個收視高潮。」他坦言亞視不獲續牌，對觀眾及投資者均是損失，「亞視節目係集體回憶，喺電視史上留下輝煌一頁。一夜間冇咗個電視台，令人講唔出咁難過」。
七十年代為麗的電視（亞視前身）演出長篇電視劇《天蠶變》，叫好叫座，亦打過勝仗的徐少強則坦言：「好唏噓！同埋好難過，始終對亞視好有感情，當年拍《天蠶變》一度失蹤但無影響雙方關係，九四年都返咗去亞視拍咗好多劇，雖然亞視仲有一段時間繼續運作，但我覺得不如早啲清盤，變賣物品，分番啲錢畀欠薪嘅員工。」
亞洲會主席魏秋樺接受電話訪問時表示痛心：「啱啱先支持完，依家失落感更加大，好心痛，希望政府可回心轉意。」又謂亞洲會會繼續經營下去。亞視《六合彩》元老級主持夏春秋，對亞視不獲續牌大呼好可惜，但亦認為是無奈的事：「總好過成日拖泥帶水，快啲拔喉投胎做人咪仲好，我個人覺得邱德根過身，就好似標誌着亞視嘅年代要結束！」冬叔自言在亞視工作了將近半世紀，當年的日子很開心，能做到六合彩主持更令他感到光榮。
劉錫賢表示「冇咩感覺」
七三年參加麗的「沙灘小姐」選舉奪冠的林建明（沙姐），直言很感恩，感激該選舉令她可入行，對於亞視不獲續牌，她說：「啱啱知道，但唔可惜亦唔唏噓。」她認為這結果未嘗不是好事，可令有心人、電視從業員有新的出路和新希望，她勉勵同業此時必須裝備好自己。對於亞視末代掌舵老闆，沙姐更以「混吉」來形容。
一直堅守崗位的「亞視一哥」劉錫賢，對於亞視不獲續牌坦言：「冇咩感覺，其實個心都打晒底。」亞視藝人蔡國威則對結果大呼無奈：「感覺好激動同無奈，點解一個人作孽，要六百幾個員工陪葬？」威仔直言口中人正是王征：「佢一直做錯好多嘢，搞垮咗亞視。」