慈善基金：腸癌折磨阿容急求藥費

「我以前成日跳跳紮，病咗之後就瘦到得番一百磅，體力差咗好多，邊度都去唔到！」現年六十七歲的阿容原任職時裝推銷員，性格好動活潑，可惜前年發現身體有異，檢查後竟發現患上腸癌，「本身屙血以為生痔瘡，點知檢查發現係惡性腫瘤，以前咁健康，真係點都估唔到會有癌症！」確診腸癌後，阿容先後接受電療及化療、甚至切除手術，惟病情仍未有好轉，醫生遂建議自費接受癌症藥物。

夫悉心照顧 妻盼康復回報

事實上，阿容患病後即辭掉工作養病，靠任職的士司機的丈夫維持生活，「冇做嘢幾年啲積蓄用吓用吓都冇乜剩，每個月淨係靠老公份糧生活，真係唔知點樣再畀藥費，依家兩公婆都覺得好徬徨！」阿容與丈夫感情要好，自患病後，丈夫雖然收入有限，但每月均將大部分薪金花在阿容身上，「佢成日都話就算幾辛苦都好，都會畀心機賺錢買保健品畀我食，叫我快啲醫好個病陪佢耐啲！」阿容目前最大心願是希望接受自費藥物後能控制病情，與丈夫互相照顧，「想身體好啲，日日煮飯等佢放工！」阿容患病未幾家庭經濟已陷困境，但與丈夫堅持自力更生，拒絕申領綜援，但因無法為昂貴藥物張羅，希望能獲善長慷慨施援，得以購買自費藥物紓緩病情，延續生命。

瑪麗醫院發言人證實，病人於二○一三年三月確診患上腸癌第三期，及後曾接受切除手術。為紓緩其病情，醫生建議病人接受自費癌症針藥（Bevacizumab）及口服藥物（Xeloda），費用分別為港幣一萬六千二百三十一元及一千七百三十元，醫生會繼續跟進其病情並提供適切治療。

捐款編號：12651

記者：黃凱翎