廿多年前，大家迷上日劇，近十年嘅日子韓風吹襲，好多人都愛上欣賞韓劇，追捧韓星，有人為咗更深入了解韓國文化而學習韓文添，而日本水着界嘅極品美人葉加瀨麻衣都係其中一位，更因為學曉韓語而令事業發展更加順利添！
好多日本水着女優都以童顏巨乳為賣點，咁又冇辦法，因為大部分男人都鍾意年輕可愛又好身材嘅女優。不過，喺日本水着界令人驚艷嘅又點只得童顏巨乳呢？綺麗巨乳一樣吸引力非凡，就好似葉加瀨麻衣咁喇。麻衣年方廿七，年紀比好多現役水着妹大，但呢個時候正係女人味剛剛醞釀出嚟嘅時候，大家睇吓佢氣質綺麗而優雅，必然會感受到呢種韻味嘅吸引之處。麻衣五官標致，塊臉方方哋，少一分瓜子口臉嘅漂亮，但係就多一分親切和善，添上溫柔大姐姐嘅感覺。呢位姐姐的確係又高又大，身高5呎7吋，擁有一對37G天然巨乳，此乳呈美觀之極嘅水滴形，且白嫩飽滿，實乃難得一見嘅白玉峰，加上腰幼腿長，如此身材認真罕有，喺水着界亦難有女優能與之匹敵。
2011年葉加瀨麻衣踏足演藝界，當時用藝名袴田真衣為相親節目《戀愛巴士2》演出，順帶一提，家陣喺日本東北地區做主播嘅袴田彩會就係其妹妹。之後麻衣就因為人靚身材正而被帶到水着界。由於阿妹嘅身材實在太正，喺2012年參加Miss FLASH選美比賽以大熱門姿態勝出，然後至改用家陣呢個名發展事業。麻衣以水着女優身份打拚以來成績相當優秀，推出嘅寫真集同DVD都銷量極佳，上年推出嘅第九隻寫真DVD《M》更以一日之短時間，榮登Oricon偶像DVD銷售榜首，認真厲害。麻衣受歡迎，自然惹來電視台注意，不時搵佢上綜藝節目做嘉賓，某日佢更加展示驚人絕技，就係施展軟骨功，將雙手繞向後再自摸雙峰！麻衣話自己冇男友，所以要咁樣嚟營造畀人從後撫摸嘅假象喎！除咗呢項絕技，佢仲博學多才，最幫到手就係識得韓語喇，現時佢為韓國音樂節目做主持外，亦有自己嘅網上專欄《葉加瀬マイの韓流DD》，為大家介紹韓國最新情報。
葉加瀨麻衣係標準韓迷，對於韓國電影、音樂同時裝都相當有研究，如閣下同麻衣一樣，不妨上佢個博客交流一下。
網址：http://ameblo.jp/hakamada-mai/
年齡：27歲
身高：5呎7吋
三圍：37G-24-36
撰文：賢